اردوورلڈ کینیڈا ( ویب نیوز )وفاقی وزیراطلاعات مریم اورنگزیب نے کہا ہے کہ چیئرمین پی ٹی آئی نے ریاستی تحفے بیچے اس لیے ان کی گرفتاری سیاسی نہیں۔
برطانوی نشریاتی ادارے کو خصوصی انٹرویو دیتے ہوئے مریم اورنگزیب کا کہنا تھا کہ توشہ خانہ کیس میں تمام قانونی تقاضے پورے کیے گئے، پی ٹی آئی چیئرمین نے سرکاری تحائف بیچے، اختیارات کا ناجائز استعمال کیا، وہ عدالت میں ثبوت پیش کرنے میں ناکام رہے۔ اس لیے ان کی گرفتاری کا ملکی سیاست سے کوئی تعلق نہیں۔
وزیراعظم نواز شریف نے اپنے اوپر لگائے گئے تمام الزامات کا جواب دیا اور ایسی عدالتیں ہیں جہاں ہر کسی کو الزامات کا جواب دینے کا حق ہے۔
لیگی رہنما نے کہا کہ 9 مئی کو پی ٹی آئی کے کارکنوں نے حساس تنصیبات کو نشانہ بنایا، 9 مئی کے حملوں میں ملوث افراد کے خلاف قانون کے مطابق کارروائی کی جارہی ہے
وفاقی وزیر نے کہا کہ زمان پارک میں پی ٹی آئی کارکنوں نے پولیس اہلکاروں پر حملہ کیا، کیا سرکاری املاک، اسپتالوں اور اسکولوں پر حملے کرنے والوں کو رعایت دی جاسکتی ہے؟ پی ٹی آئی کے چیئرمین 9 مئی کے حملوں کے ماسٹر مائنڈ تھے اور جب ان سے معاشی بحران کے بارے میں پوچھا گیا تو وہ کابینہ پر الزام لگاتے ہیں۔مریم اورنگزیب نے کہا کہ مجھے ریاستی تحائف ملے، میں نے توشہ خانہ میں جمع کرائے، لیکن چیئرمین پی ٹی آئی عدالت میں سوالات کے جوابات دینے سے قاصر رہے۔ .
وزیر اطلاعات نے مزید کہا کہ چیئرمین پی ٹی آئی نے اپنے دور میں سیاسی مخالفین کو جیلوں میں ڈالا اور میڈیا ورکرز پر تشدد کیا۔ یہ پہلا موقع تھا کہ کسی سیاسی جماعت نے پیٹرول بم کا استعمال کیا۔
