اردوورلڈکینیڈا( ویب نیوز)سال 2025 پاکستانی شوبز، اسپورٹس اور ڈیجیٹل دنیا کے لیے بے حد اہم رہا، جس میں کئی معروف شخصیات کی شادیاں انجام کو پہنچیں اور کچھ جوڑوں کی علیحدگیاں منظر عام پر آئیں۔ یہ واقعات نہ صرف مداحوں کے لیے حیران کن تھے بلکہ سوشل میڈیا اور عوامی حلقوں میں بھی زیرِ بحث رہے۔
عماد وسیم اور ثانیہ اشفاق
سابق قومی کرکٹر عماد وسیم کی اہلیہ ثانیہ اشفاق نے علیحدگی کے بعد کہا کہ ان کا گھر ٹوٹ چکا ہے اور بچوں کو والد کی توجہ سے محروم ہونا پڑا۔ ان کے مطابق ازدواجی زندگی میں تیسرے فرد کی مداخلت کے بعد معاملات بگڑ گئے تھے۔
انوشے عباسی اور اینان عارف
اداکارہ انوشے عباسی نے ایک پوڈکاسٹ میں بتایا کہ ان کی طلاق چھ سال قبل ہو چکی تھی، تاہم انہوں نے اب اپنی ذاتی زندگی کے تجربات کھل کر شیئر کیے۔
سحر حیات اور سمیع رشید
ٹک ٹاکر سحر حیات نے شوہر سمیع رشید سے علیحدگی کی تصدیق کی۔ ان کے ہاں 2024 میں پہلے بچے کی پیدائش ہوئی تھی، جس کے بعد علیحدگی اور بچوں کی پرورش سے متعلق معاملات زیرِ بحث رہے۔
خوشبو اور ارباز خان
معروف اداکارہ خوشبو نے ایک انٹرویو میں سابق شوہر ارباز خان سے علیحدگی کی تصدیق کی اور کہا کہ ازدواجی زندگی میں دھوکے اور مشکل وقت میں تنہا چھوڑ دیا جانا مشکلات کا سبب تھا۔
عاصم اظہر اور میرب علی
گلوکار عاصم اظہر نے سوشل میڈیا کے ذریعے اپنی اور اداکارہ میرب علی کی منگنی ختم ہونے کی تصدیق کی، جس سے مداح مایوس ہوئے جو اس جوڑے کی شادی کے منتظر تھے۔
زارا ترین اور فاران طاہر
اداکارہ زارا ترین نے بتایا کہ ان کا رشتہ صرف چار ماہ ہی قائم رہ سکا، حالانکہ عام تاثر کے مطابق یہ دو سال جاری تھا۔
حنا رضوی اور عمار احمد
شرمین حنا رضوی نے انسٹاگرام پر شوہر عمار احمد خان سے علیحدگی کا اعلان کیا، تاہم باضابطہ طلاق کے حوالے سے ابھی کوئی حتمی بیان نہیں آیا۔
سبحان عمیس اور عبیر اسد
فروری 2025 میں شادی کرنے والا یہ جوڑا سات ماہ بعد علیحدہ ہوگیا، اور دونوں نے طلاق کی وجوہات عوام کے سامنے نہیں رکھی۔
میرا سیٹھی اور بلال ایم صدیقی
اداکارہ اور مصنفہ میرا سیٹھی نے بتایا کہ ان کی طلاق اپنے بچپن کے دوست بلال صدیقی سے ہو چکی ہے، جسے 2025 میں منظر عام پر لایا گیا۔
ایمن زمان اور مجتبیٰ لاکھانی
ٹک ٹاکر ایمن زمان نے شوہر مجتبیٰ لاکھانی سے علیحدگی کی تصدیق کی اور بعد میں سوشل میڈیا سے تمام تصاویر اور ویڈیوز حذف کر دیں۔
سارہ عمر اور محسن طلعت
اداکارہ سارہ عمر نے بتایا کہ نو سالہ ازدواجی رشتہ اختتام کو پہنچ چکا ہے۔ طلاق کے بعد انہوں نے عملی زندگی کا آغاز کیا اور ذاتی مشکلات پر قابو پانے کے لیے رئیلٹی شو "تماشہ” میں حصہ لیا۔
سال 2025 میں شوبز، اسپورٹس اور ڈیجیٹل دنیا میں یہ علیحدگیاں اور ازدواجی مسائل نہ صرف مداحوں بلکہ میڈیا اور سوشل میڈیا پر بھی خاصی توجہ کا مرکز بنے رہے۔
