اردوورلڈ کینیڈا( ویب نیوز)بہت کم لوگ جانتے ہیں کہ اسلام آباد میں ان کے گھر کے اندر قتل ہونے والی مشہور ٹک ٹوکر ثنا یوسف نے بھی ایک ڈرامے میں کام کیا تھا۔
17 سالہ ثنا یوسف کے ٹک ٹاک اور انسٹاگرام پر لاکھوں فالوورز تھے اس کی زیادہ تر ویڈیوز سادہ، صاف، مزاحیہ اور عام مسائل پر کی گئی تھیں۔.
ثنا یوسف کو اپنی ویڈیوز میں ہمیشہ مسکراتے اور ہنستے دیکھا گیا وہ اپنی سادگی کی وجہ سے سوشل میڈیا پر بھی کافی مقبول تھیں۔
قتل ہونے والی ثنا یوسف کی ویڈیوز دیکھ کر اندازہ لگانا مشکل نہیں تھا کہ اس چھوٹی بچی میں کوئی اداکارہ بھی چھپی ہوئی ہے۔
اس کا ثبوت اس وقت ملا جب ایک ڈرامے ‘وہ زادی سی’ کی کچھ تصاویر سوشل میڈیا پر وائرل ہوئیں، جس میں ثنا یوسف چائلڈ اسٹار عینا آصف کے ساتھ چند مناظر میں بھی نظر آ ر ہی ہیں۔
اس ڈرامے میں عینا آصف نے علی عباس کی بیٹی کا کردار ادا کیا جبکہ ثنا یوسف نے ان کی ہم جماعت سہیلی کا کردار ادا کیا۔
جب یہ تصاویر وائرل ہوئیں تو سوشل میڈیا صارفین نے ایک بار پھر اس المناک واقعے پر اپنے غم کا اظہار کرتے ہوئے کہا کہ معاشرے نے ایک باصلاحیت لڑکی کو کھو دیا ہے۔
