ہر سال مقدس مہینہ گزشتہ سال کی نسبت تقریباً دو ہفتے پہلے شروع ہوتا ہے، اس سال پاکستان کے بعض شہروں سمیت دنیا کے بیشتر ممالک میں رمضان ٹھنڈے موسم میں آرہا ہے۔رمضان المبارک کا آغاز ممکنہ طور پر 11 یا 12 مارچ سے ہوگا۔ روزے کے اوقات ملک کے لحاظ سے مختلف ہوتے ہیں، اس سال کی حد 12 گھنٹے اور 17 گھنٹے سے زیادہ متوقع ہے۔تو آئیے جانتے ہیں کہ اس سال کن ممالک میں روزے کا دورانیہ سب سے طویل ہوگا یا سب سے کم روزہ۔
2024 میں رمضان المبارک کا مختصر ترین روزہ
اس سال چلی کے مسلمان رمضان المبارک کے دوران اوسطاً 12 گھنٹے 44 منٹ کا روزہ رکھیں گے جو کہ کم ترین وقت ہے۔اس کے علاوہ نیوزی لینڈ، ارجنٹائن اور جنوبی افریقہ میں اس سال روزے کا دورانیہ 12 سے 13 گھنٹے ہوگا۔
2024 میں کن ممالک میں سب سے طویل روزہ رکھا جائے گا؟
فن لینڈ، گرین لینڈ اور آئس لینڈ کے مسلمان اس سال طویل ترین روزہ رکھیں گے۔یہ لوگ ماہ مقدس میں اوسطاً 17 گھنٹے روزانہ روزہ رکھیں گے۔
