اردو ورلڈ کینیڈا ( ویب نیوترکی نے روس کے تعاون سے بنائے گئے ملک کے پہلے جوہری پاور پلانٹ کا افتتاح کردیا۔

ترک خبر رساں ایجنسی انادولو کے مطابق جمعرات کے روز ترک صدر رجب طیب ایردوان نے اکیویو پاور پلانٹ میں پہلی بار جوہری ایندھن کی فراہمی کی تقریب میں اپنی ورچوئل تقریر کے دوران کہا کہ 60 سال کی تاخیر کے بعد ترکی ان ممالک میں سے ایک بن جائے گا جو جوہری طاقت کے حامل ہیں ۔

ترکی کے جنوبی صوبے مرسین میں تعمیر کیے جانے والے اکویو نیوکلیئر پلانٹ کی پیداواری صلاحیت 4800 میگاواٹ اور چار ری ایکٹر متوقع ہے، جوہری پلانٹ رواں سال کے آخر میں بجلی کی پیداوار شروع کر سکے گا۔یاد رہے کہ ترکی اور روس کے درمیان اکیو نیوکلیئر پلانٹ کے لیے بین الحکومتی معاہدے پر مئی 2010 میں دستخط کیے گئے تھے اور پلانٹ کا سنگ بنیاد رکھنے کی تقریب 3 اپریل 2018 کو منعقد ہوئی تھی جس کے بعد پہلے یونٹ پر تعمیر کا آغاز ہوا تھا۔

یہ بھی پڑھیں

ترک صدر نے امریکہ کو ‘سبق سکھانے کا فیصلہ کر لیا

ترک صدر طیب اردگان نے کہا کہ بہت سے اہم منصوبوں کی طرح اکیو کو بھی فنانسنگ ماڈل کے ساتھ لاگو کیا گیا جو ہمارے قومی بجٹ پر بوجھ نہیں ڈالتا اور روس کے ساتھ ہماری سب سے بڑی مشترکہ سرمایہ کاری ہے۔انہوں نے مزید کہا کہ یہ منصوبہ ترکی کی قدرتی گیس کی درآمدات میں سالانہ 1.5 بلین ڈالر کی کمی کا باعث بنے گا اور قومی آمدنی میں بھی اضافہ کا باعث بنے گا۔