اردو ورلڈ کینیڈا ( ویب نیوز )یوٹیلٹی اسٹور کارپوریشن نے اچار، مختلف برانڈز کے بسکٹ، جیلی، سرف، شو پالش، ریزر بلیڈ، ٹوتھ پیسٹ، ڈش واشنگ صابن، شہد، نوڈلز سمیت مختلف اشیا کی قیمتوں میں اضافے کا نوٹیفکیشن جاری کرد یاجو فوری طور پر نافذ العمل ہو گا۔
نوٹیفکیشن کے مطابق سوگرام ٹوتھ پیسٹ کی قیمت میں 10 روپے کا اضافہ کیا گیا ہے جس کی قیمت 133 روپے سے بڑھ کر 143 روپے ہو گئی ہے جبکہ 275 گرام ڈش واشنگ صابن کی قیمت میں 50 روپے کا اضافہ کیا گیا ہے۔ 275 گرام ڈش واش 90 روپے سے بڑھا کر 140 روپے کر دیا گیا ہے۔
اسی طرح ٹشو پیپر کے ڈبے کی قیمت میں بھی 11 روپے کا اضافہ کیا گیا جس کے بعد ٹشو پیپر کے ڈبے کی قیمت 56 روپے سے بڑھ کر 67 روپے ہو گئی۔بے بی ڈائپرز کے چھوٹے پیکٹ کی قیمت میں 348 روپے کا اضافہ ہو گیا۔ چھوٹے برانڈڈ بے بی ڈائپرز کا پیکٹ 1352 روپے سے بڑھ کر 1700 روپے ہو گیا۔
اس کے علاوہ کیڑے مار دوا کی قیمت میں بھی 300 روپے کا اضافہ کیا گیا جس کے بعد 800 ملی لیٹر کیڑے مار دوا کے محلول کی قیمت 490 روپے سے بڑھ کر 790 روپے ہو گئی۔
