اردو ورلڈ کینیڈا ( ویب نیوز ) آل پاکستان پبلک ٹرانسپورٹ اونرز فیڈریشن نے پیٹرول کی قیمتوں میں اضافے کے بعد کرایوں میں 10 فیصد اضافہ کردیا ہے۔
ترجمان کے مطابق آل پاکستان پبلک ٹرانسپورٹ اونرز فیڈریشن کے اجلاس میں کہا گیا کہ ڈیزل کی قیمتوں میں اضافے نے ٹرانسپورٹ کا نظام تباہ کر کے رکھ دیا ہے۔
ترجمان کے مطابق لاہور سے راولپنڈی، فیصل آباد اور ملتان کے کرایوں میں 10 روپے اضافہ کیا گیا ہے
آل پاکستان پبلک ٹرانسپورٹ اونرز فیڈریشن نے خبردار کیا ہے کہ جوابی کارروائی کی صورت میں پبلک ٹرانسپورٹ بند کر دی جائے گی۔
دوسری جانب تاجروں اور ٹرانسپورٹرز نے پٹرولیم مصنوعات کی قیمتوں میں اضافہ مسترد کر دیا۔مرکزی تنظیم ٹریڈرز پاکستان اور
ٹرانسپورٹرز نے پٹرولیم مصنوعات کی قیمتوں میں حالیہ اضافے کو مسترد کر دیا۔ ٹریڈ یونین آف پاکستان کے صدر کاشف چوہدری نے
اپنے بیان میں کہا کہ پیٹرول اور ڈیزل کی قیمتوں میں 35 روپے فی لیٹر اضافے کو مسترد کرتے ہیں۔
پیٹرولیم مصنوعات کی قیمتوں میں اضافے سے مہنگائی مزید بڑھے گی۔کاشف چوہدری نے حکومت سے مطالبہ کیا کہ پٹرول اور ڈیزل
کی قیمتوں میں اضافہ فوری واپس لیا جائے۔ علاوہ ازیں رکن سندھ اسمبلی اور صدر پاکستان گڈز ٹرانسپورٹ الائنس ملک شہزاد اعوان
نے بھی پیٹرول اور ڈیزل کی قیمتوں میں اضافے کو مسترد کرتے ہوئے کہا کہ بعد میں اپنے لائحہ عمل کا اعلان کریں گے ۔
درآمدی حکومت کی پالیسیوں نے پاکستان کو تباہی کے دہانے پر پہنچا دیا ہے۔انہوں نے کہا کہ حکومت کے خلاف سڑکوں پر آنے کا
وقت آگیا ہے، امپورٹڈ حکومت کی ترجیحات عوام دشمن پالیسیاں بنانا ہے، پانی سر سے گزر گیا ہے
