اردو ورلڈکینیڈا (ویب نیوز )بھارتی ریاست اتر پردیش کے شہر لکھنؤ میں رہائشی عمارت گرنے سے آٹھ افراد ہلاک اور درجنوں زخمی ہو گئے۔ بھارتی میڈیا رپورٹس کے مطابق لکھنؤ کے علاقے ٹرانسپورٹ نگر میں 3 منزلہ رہائشی عمارت گرنے سے 8 افراد ہلاک اور 28 زخمی ہوگئے۔

عمارت گرنے کا واقعہ ہفتے کی شام پیش آیا جب کہ مقامی انتظامیہ کا کہنا ہے کہ ریسکیو آپریشن تاحال جاری ہے اور اس بات کو یقینی بنانے کی کوشش کی جارہی ہے کہ ملبے تلے کوئی اور دبے نہ ہو۔ پولیس کے مطابق عمارت 4 سال قبل تعمیر کی گئی تھی، جب عمارت گری تو اس کے ایک حصے پر تعمیراتی کام جاری تھا۔ حکام کے مطابق 3 منزلہ عمارت کے گراؤنڈ فلور پر ایک موٹر ورکشاپ اور ایک گودام بنایا گیا تھا جب کہ پہلی منزل پر طبی آلات کا گودام تھا۔