اردوو رلڈ کینیڈا ( ویب نیوز ) ُ ٹرمپ کا کوئی کردا نہیں ، ہندوستان نے پاکستان اور بھارت کے د رمیان حالیہ جنگ بندی میں امریکہ کی جانب سے کی جانے والے کوششوں کو ماننے سے سرے سے انکار کر دیا
بھارتی وزیر خارجہ وکرم مصری نے پارلیمانی کمیٹی کو بریفنگ دیتے ہوئے کہا کہ بھارت پاکستان جنگ بندی سختی سے دو طرفہ ہے اور امریکی صدر ٹرمپ کا جنگ بندی میں کوئی کردار نہیں ہے۔بھارتی وزیر خارجہ نے کہا کہ ٹرمپ نے ہم سے درمیان میں آنے کی اجازت نہیں مانگی، ٹرمپ خود اسٹیج پر آنا چاہتے تھے اور انہوں نے ایسا کیا۔بھارتی وزیر خارجہ وکرم مسری نے کہا کہ پاکستان اور بھارت کے درمیان تنازع روایتی جنگ کے دائرے میں ہے اور اسلام آباد سے کسی جوہری خطرے یا سگنل کا کوئی ثبوت نہیں ملا۔بھارتی میڈیا کے مطابق پارلیمانی کمیٹی نے بارہا پوچھا کہ پاکستان کے ساتھ جنگ میں کتنے بھارتی طیارے تباہ ہوئے لیکن وکرم مسری نے قومی سلامتی کا حوالہ دیتے ہوئے جواب دینے سے انکار کر دیا۔دوسری جانب دفتر خارجہ پاکستان کے ترجمان نے کہا کہ شاہین میزائل کے حوالے سے بھارتی میڈیا کا دعویٰ بے بنیاد اور من گھڑت ہے۔
دعویٰ جھوٹے ثابت ہونے کے بعد بھارتی فوج نے ویڈیو ہٹا دی لیکن اس کے باوجود بھارتی میڈیا نے غلط بیانیہ پھیلا دیا۔. بھارتی فوج نے ویڈیو کے حوالے سے کوئی وضاحت یا تردید جاری نہیں کی۔دفتر خارجہ کے ترجمان کے مطابق بھارتی میڈیا کی یہ مہم آپریشن سندھور میں بھارت کی ناکامی کو چھپانے کی کوشش ہے۔. ہندوستان کا جھوٹا پروپیگنڈہ جنگ بندی اور جوہری بلیک میلنگ پر جھوٹ کی داستان سے منسلک ہے۔ترجمان کے مطابق 12 مئی کو آئی ایس پی آر کی پریس ریلیز میں پاکستان کے زیر استعمال ہتھیاروں کی تفصیلات موجود ہیں۔. پاکستان نے فتح F-1، F-2 میزائل، جدید ڈرون اور طویل فاصلے تک مار کرنے والی بندوقیں استعمال کیں۔
