ارد و ورلڈ کینیڈا ( ویب نیوز ) بھارتی انٹیلی جنس ایجنسی ‘RAW’ کے سابق سربراہ امرجیت سنگھ نے تصدیق کی ہے کہ بھارت کے پاس پہلگام واقعے کا کوئی ثبوت نہیں ہے۔
انڈین انٹیلی جنس سروس کے سابق سربراہ امرجیت سنگھ نے کہا، "فیلڈ مارشل عاصم منیر کے اعزاز میں ڈونلڈ ٹرمپ کے ظہرانے پر آپ سب کو مبارکباد۔ یہ سلسلہ نہیں رکنا چاہیے۔ پاکستانی قیادت کو اب نئی دہلی جانا چاہیے۔امرجیت سنگھ نے کہا کہ پاکستان ہمیشہ تعلقات کو بہتر بنانے میں پیش رفت کرتا ہے، یہی وجہ ہے کہ فیلڈ مارشل عاصم منیر امریکہ میں ہیں۔ امریکہ کے ساتھ بھارت کے تعلقات بھی اچھے ہیں۔
انہوں نے کہا کہ بھارت کے پاس پہلگام واقعے کا کوئی ثبوت نہیں ہے، پہلگام میں حملہ آور جنگل میں غائب ہو گئے ہیں، مسائل کے حل کے لیے پاکستان اور بھارت کے درمیان بات چیت ہونی چاہیے اور پاکستانی میڈیا اور اہم شخصیات پر بھارت کی پابندیاں زیادہ دیر تک نہیں چل سکیں گی۔انڈین انٹیلی جنس سروس کے سابق سربراہ نے پاکستان کی مہمان نوازی کی تعریف کرتے ہوئے کہا کہ وہ کسی بھارتی انٹیلی جنس ایجنسی کے واحد سربراہ ہیں جنہوں نے ریٹائرمنٹ کے بعد چار مرتبہ پاکستان کا دورہ کیا۔
