اردو ورلڈ کینیڈا ( ویب نیوز ) پاکستان کے ہاتھوں عبرتناک شکست کے بعد بھارت نے ترکی کے ساتھ تجارتی اور تعلیمی تعلقات معطل کر دیے ہیں۔
بھارتی وزارت خارجہ کے مطابق ترکی کے ساتھ تجارتی اور تعلیمی تعلقات معطل کر دیے گئے ہیں۔. یہ فیصلہ پاک بھارت کشیدگی کے دوران پاکستان کے لیے ترکی کی غیر مشروط حمایت کے تناظر میں کیا گیا۔ہندوستانی وزارت خارجہ کا کہنا ہے کہ ہندوستان کی خودمختاری پر سوال اٹھانے والے ممالک کے ساتھ تعلقات کا جائزہ لینا ہماری پالیسی کا حصہ ہے۔اس سے قبل بھارتی ہوائی اڈوں پر کام کرنے والی ترک کمپنی کی سیکیورٹی کلیئرنس بھی منسوخ کر دی گئی تھی۔اس کے علاوہ بھارت میں ترک سیبوں کے بائیکاٹ کی مہم بھی شروع کی گئی۔بھارتی میڈیا کے مطابق پونے کے تاجر اس مہم کو تیزی سے چلا رہے ہیں اور ترک سیبوں کے بائیکاٹ کا مطالبہ کر رہے ہیں۔واضح رہے کہ حالیہ پاکستان بھارت کشیدگی میں ترکی نے پاکستان کی بھرپور حمایت کی تھی جس سے ہندوستانیوں کو کوئی خوشی نہیں ہوئی اور وہ تلخ ہو گئے۔ترکی کے صدر رجب طیب اردگان نے کہا تھا کہ ہم ہمیشہ آپ کے ساتھ کھڑے ہیں۔. ترکی اور پاکستان کے درمیان بھائی چارہ ایک ایسی چیز ہے جس سے بہت کم قوموں کو نوازا جاتا ہے۔
