اردوورلڈ کینیڈا ( ویب نیوز )بھارتی اداکارہ راکھی ساونت نے مکہ مکرمہ میں عمرہ کی سعادت حاصل کر لی۔اداکارہ نے اپنے انسٹاگرام اکاؤنٹ پر اپنے روحانی سفر کی تصاویر اور ویڈیوز پوسٹ کی ہیں جو وائرل ہو رہی ہیں۔

راکھی ساونت نے تین روز قبل عمرے پر جانے کی خبر بریک کی تھی اور اس مقدس سفر میں ان کے بھائی واحد علی خان اور بہنوئی شائستہ علی خان بھی ان کے ساتھ ہیں۔
ہندوستانی اداکارہ نے مدینہ منورہ سے سب سے پہلے ایسی تصاویر اور ویڈیوز پوسٹ کیں جہاں وہ عقیدت اور احترام کے ساتھ مسجد نبوی کے مختلف دروازوں سے لپٹ رہی تھیں۔
ایک اور ویڈیو میں اداکارہ خانہ کعبہ کا طواف کر رہی تھیں جس کے بعد انہوں نے اپنے مداحوں کو بتایا کہ انہوں نے عمرہ ادا کر لیا ہے۔
راکھی ساونت نے گزشتہ سال اپنے مسلمان دوست عادل خان درانی سے شادی کے موقع پر اسلام قبول کیا اور اپنا نیا اسلامی نام فاطمہ رکھاتھا۔