اردوورلڈ کینیڈا( ویب نیوز) بھارتی بزنس مین انکت سریواستو گروپ کے کینیڈا میں خفیہ سرگرمیوں میں ملوث ہونے کا انکشاف ہوا ہے۔

کینیڈین میڈیا کے مطابق سریواستو گروپ پر جعلی ویب سائٹس چلانے کا الزام ہے جو کہ نیوز آؤٹ لیٹس کی طرح نظر آتی ہیں۔
رپورٹس بتاتی ہیں کہ ان ویب سائٹس کا مقصد بھارت کے حق میں اور پاکستان کے خلاف مواد پھیلانا تھا۔
کینیڈین سیکیورٹی انٹیلی جنس سروس نے بھی بھارتی گروپ کے بارے میں ایک رپورٹ جاری کی، جس کے مطابق ویب سائٹس کا مقصد کینیڈا کی رائے عامہ اور انتخابی عمل کو متاثر کرنا تھا۔
میڈیا رپورٹس میں مزید کہا گیا ہے کہ اس گروپ نے یورپ میں ہندوستان کے حق میں مہم بھی چلائی ہے۔ ہندوستانی گروپ اخبارات کے کاروبار اور تیل اور گیس کی صنعت سے وابستہ ہے۔