اردو ورلڈ کینیڈا ( ویب نیوز ) خالصتان موومنٹ کے رہنما گروپتونت سنگھ پنو کے قتل کی ناکام سازش کیس میں بھارتی حکام آج امریکا جائیں گے۔میڈیا رپورٹس کے مطابق بھارتی حکام واشنگٹن میں امریکی حکام سے ملاقات کریں گے اور کیس میں جاری پیش رفت پر بات کریں گے۔ہندوستانی حکومت نے امریکہ کو بتایا ہے کہ وہ اس کیس میں سابق سرکاری ملازمین کے ملوث ہونے کی تحقیقات جاری رکھے ہوئے ہے۔
بھارتی شہری نکھل گپتا پر امریکی استغاثہ نے گزشتہ سال نومبر میں نیویارک میں گروپتونت سنگھ پنو کو قتل کرنے کی مبینہ سازش کے الزام میں فرد جرم عائد کی تھی۔واضح رہے کہ کینیڈا میں قتل ہونے والے سکھ رہنما نجار کی طرح امریکا میں پنوں بھی خالصتان کے نام پر ایک آزاد سکھ ریاست بنانے کا مطالبہ کر رہے ہیں۔دونوں ممالک کے درمیان کشیدگی گزشتہ سال کینیڈا میں سکھ رہنما ہردیپ سنگھ ناگر کے قتل کے بعد شروع ہوئی تھی۔ کینیڈین وزیراعظم نے ہردیپ سنگھ نگر کے قتل کا ذمہ دار بھارتی حکومت کو ٹھہرایا۔
