اردوورلڈ کینیڈا( ویب نیوز)مقبوضہ جموں و کشمیر کی فضائی حدود میں گشت کرنے والے ہندوستانی رافیل طیارے بروقت کارروائی اور پاک فضائیہ کی تیز رفتاری کے خوف سے فرار ہوگئے۔.سیکورٹی ذرائع کے مطابق 29 اور 30 اپریل کی درمیانی رات کو ایک حساس اور کشیدہ لمحہ پیش آیا جب بھارتی فضائیہ کے چار رافیل لڑاکا طیاروں نے مقبوضہ جموں و کشمیر کی فضائی حدود میں گشت کیا لیکن وہ اپنی جغرافیائی حدود میں رہے۔
یہ پیش رفت ہندوستانی فضائیہ کے اشتعال انگیز اور جارحانہ ارادوں کی عکاسی کرتی ہے۔.ذرائع کا کہنا ہے کہ جیسے ہی ہندوستانی رافیل جیٹ طیارے ہوا میں سرگرم ہوئے، پاک فضائیہ نے فوری طور پر ان کی شناخت کی اور بروقت جواب دیتے ہوئے اپنی فضائی نگرانی کو فعال کیا۔.پاکستانی طیاروں کی تیز رفتار اور موثر کارروائی نے بھارتی طیارے کو دنگ کر دیا اور وہ گھبراہٹ میں اپنی فضائی حدود میں واپس جانے پر مجبور ہو گئے
۔.سیکورٹی حکام کا کہنا ہے کہ پاکستان کی فضائیہ نے نہ صرف دشمن کی ہر حرکت پر گہری نظر رکھی بلکہ فوری حکمت عملی کے ذریعے اپنی فضائی برتری کا بھی مظاہرہ کیا۔.س
یکورٹی ذرائع نے واضح پیغام دیا ہے کہ پاکستانی افواج کسی بھی قسم کی ہندوستانی جارحیت کا مناسب جواب دینے کے لیے پوری طرح تیار اور چوکنا ہیں۔.یہ واقعہ ایسے وقت میں پیش آیا ہے جب خطے میں کشیدگی پہلے ہی بڑھ رہی ہے اور کوئی بھی غلط اقدام صورتحال کو ایک بڑے تنازع میں بدل سکتا ہے۔.
دوسری جانب دفاعی مبصرین کا کہنا ہے کہ بھارت کی جانب سے اس طرح کے اقدامات غیر ذمہ دارانہ ہیں اور علاقائی امن کے لیے خطرہ بن سکتے ہیں۔.پاکستان نے ایک بار پھر دنیا کو پیغام بھیجا ہے کہ وہ نہ صرف اپنے دفاع کے لیے پوری طرح تیار ہے بلکہ کسی بھی قسم کی مہم جوئی کا فیصلہ کن اور فوری جواب دینے کی پوری صلاحیت بھی رکھتا ہے۔.
