سوشل میڈیا پر وائرل ویڈیو میں دیکھا جا سکتا ہے کہ کرسٹیانو رونالڈو اپنی گرل فرینڈ جارجینا روڈریگز کے ساتھ باکسنگ میچ دیکھنے میں مصروف ہیں جب کہ اسی ویڈیو میں بالی ووڈ اسٹار سلمان خان بھی موجود ہیں۔
وائرل ویڈیو میں دونوں اسٹارز ایک دوسرے کے ساتھ بات چیت کرتے نظر نہیں آرہے ہیں تاہم سلمان خان اور کرسٹیانو رونالڈو کو ایک ساتھ دیکھ کر ان کے مداح بہت خوش ہیں۔
دوسری جانب بھارتی میڈیا کا کہنا ہے کہ سلمان خان آج صبح سعودی عرب سے بھارت واپس پہنچے ہیں، انہیں ممبئی ایئرپورٹ پر دیکھا گیا۔
سلمان خان ان دنوں بھارت کے مقبول ترین رئیلٹی شو ’بگ باس‘ کے نئے سیزن کی میزبانی میں مصروف ہیں اور ساتھ ہی وہ اپنی نئی آنے والی فلم ’ٹائیگر 3‘ کی ریلیز کی تیاریاں بھی کر رہے ہیں۔
واضح رہے کہ ‘ٹائیگر 3’ منیش شرما کی ہدایت کاری میں بننے والی اب تک کی بہترین فلم ثابت ہونے جا رہی ہے اور سب کی نظریں اس فلم کی ریلیز پر لگی ہوئی ہیں۔
سپر اسٹار سلمان خان، کترینہ کیف اور عمران ہاشمی میگا ایکشن اور تھرلر فلم میں نظر آئیں گے، ٹائیگر 3 اس دیوالی، 12 نومبر کو سینما گھروں کی زینت بنے گی۔
