اردوورلڈ کینیڈا( ویب نیوز) کینیڈا کے صوبے پرنس ایڈورڈ آئی لینڈ میں یہ طلباء گزشتہ کئی دنوں سے احتجاج کر رہے ہیں۔ پرنس ایڈورڈ آئی لینڈ میں ہندوستانی طلباء کی بھوک ہڑتال پانچویں دن میں داخل ہوگئی اور مظاہرین نے اب 24 گھنٹے کی مکمل بھوک ہڑتال کی ہے۔
کینیڈا کے صوبے پرنس ایڈورڈ آئی لینڈ میں اعلیٰ تعلیم حاصل کرنے والے بھارتی طلباء نے اب مکمل بھوک ہڑتال کر دی ہے۔ دراصل ان طلبہ کے سر پر کینیڈا سے ڈی پورٹ کرکے ہندوستان واپس بھیجے جانے کی تلوار لٹک رہی ہے۔
معلومات کے مطابق اب احتجاج کرنے والے طلباء پانی بھی نہیں لے رہے ہیں۔ جس کی وجہ سے ان کی جان کو بھی خطرہ ہے۔ پرنس ایڈورڈ آئی لینڈ کی حکومت نے 2024 کے لیے مستقل رہائش (PR) کے لیے کارکنوں کی تعداد 2,100 سے کم کر کے 1,600 کر دی ہے۔ اس طرح کارکنوں کی تعداد میں 25 فیصد کمی واقع ہو گی۔