اردوورلڈ کینیڈا (ویب نیوز)بھارتی میڈیا نے دعویٰ کیا ہے کہ سپر اسٹار شاہ رخ خان آنکھوں کے علاج کے لیے امریکا جائیں گے۔ چند ماہ قبل 21 مئی کو احمد آباد میں آئی پی ایل فرنچائز کولکتہ نائٹ رائیڈرز کے کرکٹ میچ میں شرکت کے دوران شاہ رخ خان کو ہیٹ اسٹروک ہوا اور انہیں گجرات شہر کے ایک ہسپتال میں داخل کرایا گیا اور ایک دن بعد انہیں ڈسچارج کر دیا گیا۔
شاہ رخ خان پیر 29 جولائی کو آنکھ کے علاج کے لیے ممبئی کے ایک اسپتال گئے تھے جہاں ان کا علاج نہ ہوسکا اور اب انھیں اس نقصان کی تلافی کے لیے امریکا بھیجا جا رہا ہے۔
حالیہ دنوں میں کسی مشہور شخصیت کا آنکھوں کے مسائل کا یہ دوسرا کیس ہے۔ جیسمین بھسین گزشتہ ہفتے دہلی میں کانٹیکٹ لینز پہننے کے بعد شدید درد میں تھیں۔ اداکارہ کی دونوں آنکھوں پر پٹی بنی تصویر وائرل ہوگئی۔
شاہ رخ خان جلد ہی سوجوئے گھوش کی ‘کنگ کی شوٹنگ شروع کریں گے، جس میں ان کی بیٹی سوہانا خان اور ابھیشیک بچن بھی ہیں، جب کہ وہ اپنی ریکارڈ ساز بلاک بسٹر پٹھان (2023) کے سیکوئل میں بھی نظر آئیں گے۔
64
