اردوورلڈ کینیڈا( ویب نیوز)بھارت کے وزیر دفاع راج ناتھ سنگھ نے پاکستان کے ساتھ مشروط مذاکرات کا عندیہ دیا ہے۔
راج ناتھ نے کہا کہ بھارت پاکستان کو گلے لگانے اور اس کے ساتھ بات چیت کا عمل شروع کرنے کے لیے تیار ہے تاہم پاکستان کو اس بات کی ضمانت دینا ہو گی کہ وہ بھارت میں دہشت گردی کو فروغ دینا بند کر دے گا۔
مقبوضہ جموں و کشمیر کے قصبوں کوٹرنکا اور سندر بنی میں انتخابی ریلیوں سے خطاب کرتے ہوئے راج ناتھ سنگھ نے کہا کہ وہ (کانگریس اور پی ڈی پی) پاکستان کے ساتھ بات چیت کی وکالت کر رہے ہیں
پاکستان کی سرپرستی میں ہونے والی دہشت گردی نے جموں و کشمیر میں ہزاروں جانیں لی ہیں جن میں سے 80 فیصد مسلمان ہیں۔
بھارتی وزیر دفاع نے پاکستانی وزیر دفاع خواجہ آصف کے مبینہ ریمارکس کا حوالہ دیتے ہوئے کہا کہ پاکستان اور کانگریس کا اتحاد آئین کے آرٹیکل 370 کے حوالے سے ایک صفحے پر ہے۔ پاکستان غربت اور بدحالی کا بین الاقوامی برانڈ بن چکا ہے۔
31
