بھارتی میڈیا کے مطابق بھارت، سوئٹزرلینڈ، ناروے، لیکٹنسٹائن اور آئس لینڈ کے درمیان 16 سال تک جاری رہنے والے مذاکرات کے بعد معاہدہ طے پایا ہے۔معاہدے کے تحت چار یورپی ممالک کا گروپ اگلے 15 سالوں میں بھارت میں 100 بلین ڈالر کی سرمایہ کاری کرے گا، اس کے بدلے میں بھارت ان ممالک سے درآمد کی جانے والی صنعتی مصنوعات پر ٹیرف ہٹا دے گا۔

بھارتی حکام کا کہنا ہے کہ ایسے معاہدے کے لیے برطانیہ کے ساتھ مذاکرات آخری مرحلے میں ہیں جب کہ بھارت نے آسٹریلیا اور متحدہ عرب امارات کے ساتھ تجارتی معاہدے بھی کیے ہیں۔سوئس حکام کا کہنا ہے کہ بھارت سوئٹزرلینڈ سے 95 فیصد سے زائد صنعتی درآمدات پر محصولات کو مکمل یا جزوی طور پر ختم کر دے گا۔

ناروے کے وزیر تجارت نے کہا کہ ہندوستان میں ناروے کی کمپنیوں کی مصنوعات پر کوئی درآمدی ٹیکس نہیں ہوگا۔معاہدے کے تحت پانچوں ممالک کو اپنی اپنی حکومتوں سے معاہدے کی توثیق کرانی ہوگی۔