اردوورلڈ کینیڈا( ویب نیوز)باجوڑ میں پاک افغان سرحد پر خوارج کی دراندازی کی کوشش ناکام، آپریشن کے دوران 3 جوان شہید اور 5 خوارج کو جہنم واصل کر دیا گیا۔
پاک فوج کے شعبہ تعلقات عامہ (آئی ایس پی آر) کے مطابق فتنہ الخوارج کے دہشت گردوں نے باجوڑ میں پاک افغان سرحد پر دراندازی کی کوشش کی جسے سیکیورٹی فورسز نے بروقت کارروائی کرتے ہوئے ناکام بنا دیا۔
آئی ایس پی آر کے مطابق آپریشنز کے دوران سیکیورٹی فورسز اور خوارج کے درمیان شدید فائرنگ کا تبادلہ ہوا، فائرنگ کے تبادلے میں فتنہ الخوارج کے 5 خوارج ہلاک اور 3 کو زخمی حالت میں گرفتار کرلیا گیا۔
آئی ایس پی آر کے مطابق فائرنگ کے تبادلے میں 3 سیکیورٹی اہلکار شہید ہوئے، شہید ہونے والوں میں نائیک عنایت خان، لانس نائیک عمر حیات اور سپاہی وقار خان شامل ہیں۔
آئی ایس پی آر کا کہنا ہے کہ پاکستان نے بارہا افغان عبوری حکومت پر زور دیا ہے کہ وہ اپنی جانب موثر بارڈر مینجمنٹ کو یقینی بنائے، توقع ہے کہ افغان عبوری حکومت اپنی ذمہ داریاں پوری کرے گی اور اپنی سرزمین کو دہشت گردی کے لیے استعمال ہونے کی اجازت دے گی۔ نہیں دیں گے
آئی ایس پی آر کا مزید کہنا تھا کہ سیکیورٹی فورسز ملک سے دہشت گردی کی لعنت کے خاتمے کے لیے پرعزم ہیں، ہمارے بہادر جوانوں کی ایسی قربانیاں ہمارے عزم کو مزید مضبوط کرتی ہیں۔
19