104 اردوورلڈ کینیڈا ( ویب نیوز )پاکستان میں مہنگائی، بے روزگاری اور سیاسی عدم استحکام کے باعث بیرون ملک جانے والوں کی تعداد میں تین گنا اضافہ ہوا ہے۔ موجودہ حکومت کے اقتدار میں آنے کے بعد سے اب تک لاکھوں نوجوان ملک چھوڑ چکے ہیں۔
اردوورلڈ کینیڈا ( ویب نیوز )پاکستان میں مہنگائی، بے روزگاری اور سیاسی عدم استحکام کے باعث بیرون ملک جانے والوں کی تعداد میں تین گنا اضافہ ہوا ہے۔ موجودہ حکومت کے اقتدار میں آنے کے بعد سے اب تک لاکھوں نوجوان ملک چھوڑ چکے ہیں۔
نجی ٹی وی کے مطابق نقل مکانی کرنے والوں کی مجموعی تعداد لاکھوں میں ہے۔ نوجوانوں کی نقل مکانی کی شرح کے لحاظ سے پاکستان ہمسایہ ممالک میں سرفہرست ہے۔
وزارت اوورسیز پاکستانیز کے مطابق رواں سال بیرون ملک جانے والے پاکستانیوں کی تعداد میں تشویشناک اضافہ ہوا ہے، 2023 کے پہلے 6 ماہ میں 3 لاکھ 95 ہزار 166 افراد نقل مکانی کر چکے ہیں۔
ایک رپورٹ کے مطابق تقریباً 25 ملین کی آبادی میں سے حالیہ عرصے میں تارکین وطن کی تعداد 9 ملین سے بڑھ کر 12.8 ملین 56 ہزار 519 ہو گئی ہے جو کہ ملک کی کل آبادی کا 5.14 فیصد ہے۔
سال 2022 میں 8 لاکھ 32 ہزار 339 افراد بیرون ملک گئے جو کہ بیرون ملک مقیم پاکستانیوں کا 6.47 فیصد ہے۔ پڑوسی ملک بھارت کی کل آبادی تقریباً ایک ارب 40 کروڑ ہے جس میں سے 32 کروڑ لوگ بیرون ملک مقیم ہیں۔
