اردو ورلڈ کینیڈا ( ویب نیوز ) سربراہ آئی ایم ایف کرسٹالینا جارجیوا
نے کہا ہے کہ 2023 میں دنیا کا بڑا حصہ مہنگائی سے شدید متاثر ہوگا۔
سربراہ آئی ایم ایف نے کہا 2022 کے مقابلے 2023 میں معاشی مشکلات بڑھیں گی، امریکا اور یورپ اس سے
براہ راست متاثر ہوں گے۔ عالمی خبر رساں ادارے کے مطابق آئی ایم ایف کے سربراہ نے کہا ہے کہ 10 ماہ سے جاری
روس یوکرائن جنگ، دنیا بھر میں مہنگائی اور شرح سود میں اضافے کے ساتھ ساتھ چین سے آنے والی کورونا کی
نئی لہر بھی طوفان برپا کرے گی۔آئی ایم ایف کے سربراہ کا خیال ہے کہ امریکا، یورپ اور چین میں
معاشی سست روی کے باعث دنیا کا ایک تہائی حصہ معاشی بحران کا شکار ہوگا اور اس کے نتیجے میں
یہ بھی پڑھیں
پاکستان کے پالیسی وعدوں کا اطلاق جاری رہے گا: آئی ایم ایف
بہتر معیشت والے ممالک بھی متاثر ہوں گے۔ان کا کہنا ہے کہ 2023 میں شرح نمو 2.7 فیصد رہنے کا امکان ہے
جب کہ 2022 اور 2021 میں شرح نمو بالترتیب 2.7 فیصد اور 6 فیصد ہے۔ کرسٹینا جارجیوا کا کہنا ہے کہ
چین میں کورونا پابندیوں کے خلاف عوامی احتجاج اور اس کے نتیجے میں کورونا کے پھیلاؤ سے نہ صرف
خطہ بلکہ پوری دنیا متاثر ہوگی۔
