اردو ورلڈ کینیڈا ( ویب نیوز ) برطانیہ میں وراثتی ٹیکس کیخلاف احتجاج ، کسانوں نے ٹریکٹر کھڑے کر کے سڑکیں بلاک کر دیں ۔

احتجاج کرنے والے کسانوں کا کہنا تھا کہ اس ٹیکس کی وجہ سے وہ اپنی زمین بیچنے پر مجبور ہیں جس سے نہ صرف ان کی ذاتی معیشت متاثر ہو رہی ہے بلکہ زرعی پیداوار اور خوراک کی فراہمی بھی خطرے میں پڑ رہی ہے۔لندن میں احتجاج کرتے ہوئے کسان مظاہرین نے برطانوی وزیراعظم کیئر اسٹارمر سے ٹیکس واپس لینے کا مطالبہ کیا۔حکومت کا کہنا ہے کہ وراثتی ٹیکس پالیسی پر کوئی یو ٹرن نہیں ہوگا۔ وراثتی ٹیکس کے نئے قوانین کے تحت، £1 ملین سے زیادہ مالیت کی جائیدادوں کو 2026 سے 20 فیصد ٹیکس ادا کرنا ہوگا۔