اردو ورلڈ کینیڈا ( ویب نیوز ) امریکی نشریاتی ادارے کے مطابق صدر جو بائیڈن نے

ایک انٹرویو میں اپنی نجی زندگی سے متعلق خوشگوار انکشافات کیے ۔ امریکی صدر

جو بائیڈن پہلی بیوی  کی کار حادثے میں  موت کے بعد جل بائیڈن کی محبت میں گرفتار

ہو گئے اور ایک یا دو نہیں  بلکہ 5 بار شادی کی پیشکش کی۔

امریکی صدر جو بائیڈن سے جب ایک صحافی نے پوچھا کہ کیا وہ پہلی نظر کی محبت پر یقین رکھتے ہیں تو انہوں

نے پرزور انداز میں جواب دیا، "ہاں” اور میری زندگی میں میرے ساتھ دو بار ایسا ہوا ہے۔امریکی صدر نے خاتون اول

جل بائیڈن  سے ملاقات کی اور دوستی، محبت اور پھر شادی پر بات کی۔جو بائیڈن کا کہنا تھا کہ انہوں نے اپنی

پہلی بیوی  سے محبت  کی شادی بھی کی تھی لیکن افسوس کہ وہ 1972 میں ایک ٹریفک حادثے میں چل بسیں۔

صدر جو بائیڈن کا مزید کہنا تھا کہ میں اکیلا تھا اور بہت افسردہ تھا کہ میں جل سے ملا اور مجھے پہلی نظر میں ان

سے پیار ہو گیا اور میں نے ان سے  شادی کرنے کا فیصلہ کیا، لیکن میں اس وقت یہ کہہ سکتا تھا۔امریکی صدر کا یہ

بھی کہنا تھا کہ انہوں نے پہلی ملاقات اور ہماری شادی کے درمیان 4 بار پرپوز کیا لیکن انہوں نے قبول نہیں کیا اور میں

بھی ڈٹا رہا۔ آخرکار اس نے پانچویں بار ہاں کر دی۔ صدر جو بائیڈن نے مزید کہا کہ میرے بیٹوں نے بھی جل سے شادی کے

فیصلے کا نہ صرف خیر مقدم کیا بلکہ  میری حوصلہ افزائی بھی کی اور یہی وجہ ہے کہ میں نے 4 ناکام کوششوں کے

باوجود پانچویں مرتبہ شادی کی  پیشکش کرنے کی ہمت کی۔