اردوورلڈ کینیڈا( ویب نیوز)وفاقی وزیر داخلہ محسن نقوی کا کہنا ہے کہ کسی کو ریڈ زون میں داخلے کی اجازت نہیں دی جا سکتی۔وفاقی وزیر داخلہ محسن نقوی کی زیر صدارت رات گئے امن و امان کے حوالے سے اعلیٰ سطحی اجلاس ہوا۔
اجلاس میں محسن نقوی کا کہنا تھا کہ امن و امان برقرار رکھنا ہماری اولین ترجیح ہے، احتجاج کا حق سب کو ہے تاہم احتجاج مناسب جگہ پر ہونا چاہیے۔
وفاقی وزیر داخلہ نے کہا کہ احتجاج سے عوام کے روزمرہ کے معمولات متاثر نہیں ہونے چاہئیں، عوام کے جان و مال کا تحفظ اولین ذمہ داری ہے۔
وزیر داخلہ محسن نقوی کا مزید کہنا تھا کہ عوام کے جان و مال کے تحفظ کے لیے قانون پر عمل درآمد کو یقینی بنایا جائے گا، قانون ہاتھ میں لینے والوں کے خلاف کارروائی ہوگی۔