ishtiaq ahmed 
اردو ورلڈ کینیڈا ( ویب نیوز )وزیر داخلہ رانا ثنا اللہ نے عمران خان اور پی ٹی آئی کو خبردار کیا ہے کہ وہ 17 جولائی کو ہنگامہ آرائی سے باز رہیں۔
انہوں نے کہا کہ پی ٹی آئی ہار چکی ہے الیکشن میں کوئی بھی گڑ بڑ کی گئی تو قانون حرکت میں آئے گا
وزیر داخلہ نے کہا کہ ضمنی الیکشن میں ہنگامہ آرائی کیلئے انہوں نے بندے تیار کئے ہوئے ہیں اگر دنگا فساد ہوا تو زمہ دار عمران خان ہونگے
انہوں نے کہا کہ پرویز خٹک، اسد قیصر علی محمد خان اور مراد سعید ان فسادیوں کو پناہ دے رہے ہیں، الیکشن کمیشن کے احکامات اور قانون کی خلاف ورزی کرنے والوں کو قانون کا سامنا کرنا پڑے گا۔ اگر ایسا ہوا تو نتائج کے ذمہ دار عمران نیازی ہوں گے۔
وزیر داخلہ نے کہا کہ عوام کا مینڈیٹ چوری نہیں کرنے دیں گے۔ اگر کسی نے قانون کو ہاتھ میں لیا اور مسائل پیدا کرنے کی کوشش کی تو کارروائی ہوگی ۔منصفانہ، شفاف اور پرامن انتخابات کو یقینی بنائیں گے۔
