اردوورلڈ کینیڈا( ویب نیوز)ملک بھر میں سردی کا سلسلہ شروع ہو گیا ہے۔ آزاد کشمیر کے بالائی علاقوں میں وقفے وقفے سے برفباری کا سلسلہ جاری ہے۔ پہاڑوں پر دو فٹ سے زائد برف پڑنے کے بعد سردی کی شدت میں مزید اضافہ ہو گیا ہے۔
گلگت بلتستان کے بالائی علاقوں میں برفباری کا سلسلہ جاری ہے۔ استور ضلع میں برف باری سے نظام زندگی متاثر ہوا ہے۔ خیبرپختونخوا میں بابو سر ٹاپ، نانگا پربت میں بھی برف باری ہوئی۔
ادھر لاہور سمیت پنجاب کے مختلف شہروں میں شدید سردی کی لہر جاری ہے۔ بلوچستان میں کوئٹہ، قلات، چمن، قلعہ عبداللہ، پشین اور زیارت سمیت صوبے بھر میں شدید سردی کے باعث پائپوں میں پانی جم گیا۔
لینڈ سلائیڈنگ کے باعث گلگت اسکردو روڈ بند ہوگئی ہے جب کہ کراچی میں بھی سرد موسم نے اپنی آمد کا اعلان کردیا ہے، شہر میں پارہ 11 ڈگری سینٹی گریڈ تک گر گیا۔