واضح رہے کہ اس سے قبل اگست 2023 کے آخر میں گوگل کی جانب سے کاپی ویڈیو فریم نامی فیچر متعارف کرایا گیا تھا۔آپ کو یوٹیوب ایپ کا یہ نیا فیچر ضرور پسند آئے گا۔یہ فیچر اسکرین شاٹ لیے بغیر ویڈیو فریم کو کاپی کرنا ممکن بناتا ہے۔اس وقت گوگل نے کہا تھا کہ ویڈیو چلانے کے بعد اسے مطلوبہ سین پر روک دیں اور پھر اس فریم کو کاپی کریں۔اب اسی فیچر کو مزید بہتر کیا جا رہا ہے اور ایک سوشل میڈیا صارف نے اس فیچر کی نشاندہی کی۔اس فیچر کو استعمال کرنے کے لیے، کروم پر یوٹیوب ویڈیو کو مطلوبہ فریم پر روک کر دائیں کلک کریں۔

یہ بھی پڑھیں

یوٹیوب صارفین کیلئے خوشخبری ، ویڈیو ایڈیٹنگ ایپ متعارف

ایسا کرنے کے بعد جو ڈراپ ڈاؤن مینو نظر آئے گا وہ Save Video Frame کا آپشن دکھائے گا، تصویر کو png فائل کے طور پر save کرنے کے لیے اس پر کلک کریں۔یہ فیچر اس وقت کام آئے گا جب آپ صرف ویڈیو فریم کا اسکرین شاٹ لینا چاہتے ہیں۔
اس فیچر کی مدد سے فل سکرین شاٹ لینے کے بعد کراپ کرنے کی ضرورت نہیں پڑے گی بلکہ ماؤس کے چند کلکس سے اعلیٰ معیار کا ویڈیو اسکرین شاٹ لینا ممکن ہو گا۔