اردو ورلڈ کینیڈا ( ویب نیوز ) میٹا کی جانب سے میسجنگ پلیٹ فارم واٹس ایپ میں صارفین کی سہولت کے لیے نئے فیچرز متعارف کرانے کا سلسلہ جاری ہے۔

ٹیک کمپنی نے اپنی ذیلی ایپلی کیشن واٹس ایپ میں ایچ ڈی فوٹوز کے لیے سپورٹ شامل کرنے کے بعد اینڈرائیڈ ورژن میں ایچ ڈی ریزولوشن میں ویڈیوز بھیجنے کا فیچر بھی متعارف کرایا۔

یہ بھی پڑھیں

واٹس ایپ صارفین نمبر محفوظ کیے بغیر پیغامات بھیج سکیں گے

صارفین ویڈیوز بھیجتے وقت اسکرین کے اوپری حصے میں ایچ ڈی کا آپشن دیکھ سکیں گے۔اس آپشن کو منتخب کرنے کے بعد صارفین کے پاس یہ اختیار ہوگا کہ وہ اپنی ویڈیو کو معیاری کوالٹی (جو کہ عام طور پر 480 پکسل ریزولوشن ہوتی ہے) یا ایچ ڈی کوالٹی (یعنی 720 پکسل ریزولوشن) میں بھیج سکتے ہیں۔تاہم، صارفین 720 پکسل ریزولوشن سے بہتر کوالٹی میں ویڈیو نہیں بھیج سکیں گے چاہے اصل ویڈیو فل ایچ ڈی یعنی 1080 پکسلز یا 4K یعنی 2160 پکسلز کی ہو۔ویڈیو کوالٹی کا انتخاب کرتے وقت، صارفین کو خبردار کرے گا کہ معیاری کوالٹی کی ویڈیوز کم اسٹوریج کی جگہ استعمال کرتی ہیں اور تیزی سے بھیجی جاتی ہیں۔

صارفین دونوں فائلوں کے درمیان فائل سائز کے فرق کو بھی واضح طور پر محسوس کر سکیں گے۔لیکن صارفین ایچ ڈی کوالٹی کو ایپ کی ڈیفالٹ سیٹنگ کے طور پر سیٹ نہیں کر سکیں گے، ایک آپشن جب بھی وہ اعلیٰ کوالٹی میں ویڈیو بھیجیں گے تو انہیں منتخب کرنا ہوگا۔