اردو ورلڈ کینیڈا ( ویب نیوز ) ایران اسرائیلی حملوں کے بعد رد عمل دیتے ہوئے کہا کہ اسرائیل کو حملوں کا متناسب جواب کا سامنا کرے پڑے گا ، کسی بھی جارحیت کا جواب دینے کا ھق محفوظ رکھتے ہیں ،یکم اکتوبر کو ایرانی بیلسٹک میزائل حملوں کے بعد اسرائیل نے 26 اکتوبر کو تہران، شیراز اور کرج پر صبح سویرے فضائی حملے شروع کر کے جوابی کارروائی کی۔ایران کے سرکاری میڈیا نے تہران میں ہونے والے دھماکوں کی تصدیق کرتے ہوئے کہا کہ تہران اور اس کے قریبی شہر کرج میں 5 دھماکوں کی آوازیں سنی گئیں۔
اسرائیلی حملوں پر ردعمل کا اظہار کرتے ہوئے ایران نے کہا ہے کہ اسرائیل کو متناسب جواب کا سامنا کرنا پڑے گا، ایران کسی بھی ‘جارحیت کا جواب دینے کا حق محفوظ رکھتا ہے۔اسرائیل کا ایران پر فضائی حملہ، تہران، شیراز اور کرج میں دھماکے، ایران نے تصدیق کر دی۔ایرانی فوجی حکام کا کہنا ہے کہ تہران کے قریب تین مختلف مقامات پر حملوں کو ناکام بنانے کے لیے فضائی دفاعی نظام کا استعمال کیا گیا۔ دوسری جانب ایرانی میڈیا کا دعویٰ ہے کہ آئی آر جی سی کے کسی دفاتر کو نشانہ نہیں بنایا گیا، تمام ہوائی اڈوں پر صورتحال معمول پر ہے تاہم ایران نے آئندہ اطلاع تک اپنی تمام پروازیں منسوخ کر دی ہیں۔
