وائٹ ہاؤس میں قومی سلامتی کونسل کے ترجمان ایڈرین واٹسن نے کہا کہ بحیرہ احمر میں بحری جہازوں پر یمنی حوثیوں کے حملوں میں ایران ملوث ہے۔ ایران نے حوثیوں کو ڈرون، میزائل اور تکنیکی معلومات فراہم کی ہیں۔امریکہ نے بحیرہ احمر میں بحری جہازوں پر حوثیوں کے حملوں کے خلاف 10 ملکی اتحاد کا اعلان کیا ہے۔
امریکی ترجمان نے کہا کہ بحیرہ احمر میں بحری جہازوں پر حملے کی منصوبہ بندی میں ایران مکمل طور پر ملوث تھا، ہم جانتے ہیں کہ ایران خطے میں عدم استحکام کی حوصلہ افزائی کے لیے طویل عرصے سے حوثیوں کی مدد کر رہا ہے۔ دوسری جانب ایران نے بحیرہ احمر میں بحری جہازوں پر حوثیوں کے حملوں میں ملوث ہونے کے امریکی الزامات کو مسترد کردیا۔
واضح رہے کہ فلسطین میں اسرائیلی جارحیت کے خلاف فلسطینیوں سے اظہار یکجہتی کے لیے یمنی حوثیوں کی جانب سے بحیرہ احمر کے راستے اسرائیل جانے والے بحری جہازوں پر ڈرون حملوں کے بعد امریکا نے گذشتہ ہفتے فلسطینیوں کی محفوظ نقل و حرکت جاری رکھنے کا اعلان کیا تھا۔
73
