اردو ورلڈ کینیڈا ( ویب نیوز ) معروف کراٹے کھلاڑی ہیلینا غلامامی حالیہ اسرائیلی حملوں میں جاں بحق ہو گئیں۔

ایرانی کراٹے فیڈریشن نے ہیلینا غولامی کی موت کی تصدیق کرتے ہوئے گہرے دکھ اور افسوس کا اظہار کیا ہے۔ہیلینا غلامامی نہ صرف ایک ہنر مند کراٹے کھلاڑی تھیں بلکہ نوجوانوں کے لیے ایک رول ماڈل بھی تھیں۔ ان کی موت نے ایران بھر کے کھیلوں کے حلقوں میں سوگ کا ماحول پیدا کر دیا ہے۔یاد رہے کہ اسرائیل نے 13 جون 2025 کو ایران کے خلاف حملہ کیا تھا۔. یہ حملے اس وقت کیے گئے جب ایران اور امریکہ کے درمیان جوہری پروگرام اور یورینیم کی افزودگی کے نئے معاہدے پر بات چیت جاری تھی۔ایرانی حکومت کے ترجمان کے مطابق ان حملوں میں اب تک کم از کم 224 افراد ہلاک ہو چکے ہیں جن میں 74 خواتین اور بچے بھی شامل ہیں جبکہ وزارت صحت نے زخمیوں کی تعداد 1800 سے زائد بتائی ہے۔