221
اردو ورلڈ کینیڈا ( ویب نیوز ) ایران میں سڑک پر ڈانس کرنے والے جوڑے کو 10 سال قید کی سزا سنادی گئی۔
اس ایرانی جوڑے کی سڑک پر ڈانس کرتے ہوئے ویڈیو سوشل میڈیا پر وائرل ہو گئی ہے۔
غیر ملکی خبر رساں ادارے کے مطابق ایران کی ایک عدالت نے جوڑے کو عریانیت، بدعنوانی اور پروپیگنڈے کو فروغ دینے کے جرم میں سزا سنائی ہے۔21 سالہ استیاز حقی اور اس کے منگیتر امیر محمد احمدی کی جانب سے اپنے انسٹاگرام اکاؤنٹ پر شیئر کی گئی ڈانس کی ویڈیو وائرل ہوئی، جس میں دونوں کو تہران کے آزادی ٹاور پر رقص کرتے دکھایا گیا ہے۔
اس جوڑے پر 2 سال کے لیے سوشل میڈیا استعمال کرنے پر بھی پابندی لگا دی گئی ہے اور ملک چھوڑنے کو کہا گیا ہے۔اطلاعات کے مطابق ایران میں پولیس کی حراست میں خاتون مہسا امینی کی ہلاکت کے بعد احتجاج کرنے والے لوگوں کو سخت سزائیں دی جارہی ہیں تاہم جوڑے نے اپنے ڈانس کو ایران میں جاری احتجاج سے نہیں جوڑا۔
