اردو ورلڈ کینیڈا ( ویب نیو ز ) عراق کا تاریخی دریائے فرات اس وقت پانی کی شدید قلت کا سامنا کر رہا ہے جس کی وجہ سے نجف اور سماوہ کے شہر تقریباً پانی سے محروم ہیں۔

غیر ملکی میڈیا رپورٹس کے مطابق عراق کا دریائے فرات اس وقت تاریخ کی کم ترین سطح پر بہہ رہا ہے کیونکہ ملک کو بدترین خشک سالی اور پانی کی شدید قلت کا سامنا ہے۔47 ملین کی آبادی والا یہ ملک بڑھتے ہوئے درجہ حرارت، پانی کی مسلسل قلت اور سال بہ سال خشک سالی سے بری طرح متاثر ہوا ہے۔نجف یونیورسٹی کے ماہر حسن الخطیب کے مطابق حالیہ ہفتوں میں دریائے فرات کی سطح کئی دہائیوں میں کم ترین سطح پر دیکھی گئی ہے۔
عراقی حکام کے مطابق ملک اس وقت اپنے حصے کا 35 فیصد سے بھی کم پانی فرات سے حاصل کر رہا ہے۔ دریائے فرات میں پانی کی شدید قلت کے باعث نجف اور سماوہ کے شہر پانی سے تقریباً محروم ہو چکے ہیں۔پانی کے بہاؤ میں کمی نے پانی کے معیار کو بھی بری طرح متاثر کیا ہے اور ماحولیاتی نظام کو خطرے میں ڈال دیا ہے۔ لوگ دریا میں بے ساختہ اگنے والے آبی پودوں سے پریشان ہیں۔ ہر پودا ایک دن میں 5 لیٹر پانی جذب کرتا ہے۔خود بونے والے یہ پودے سورج کی روشنی اور آکسیجن کو روک کر آبی حیات کو ناقابل تلافی نقصان پہنچا رہے ہیں۔