28
اردوورلڈکینیڈا( ویب نیوز)نائب وزیراعظم اور وزیر خارجہ اسحاق ڈار نے کہا ہے کہ کی ریاست کو تسلیم کرنے والے ممالک کے فیصلوں کو خوش آمدید کہتا ہے، جن میں فرانس، برطانیہ، کینیڈا، آسٹریلیا، پرتگال اور دیگر شامل ہیں۔
انہوں نے مزید بتایا کہ آج انہوں نے اقوام متحدہ کے ہیڈکوارٹر میں سعودی عرب اور فرانس کی مشترکہ صدارت میں ہونے والی اعلیٰ سطحی بین الاقوامی کانفرنس میں شرکت کی، جس میں فلسطین کے مسئلے کے پرامن حل اور دو ریاستی حل کے نفاذ پر غور کیا گیا۔
وزیر خارجہ نے یاد دہانی کرائی کہ پاکستان 1988 میں فلسطین کی آزادی کے اعلان کے فوراً بعد اسے تسلیم کرنے والے پہلے ممالک میں شامل تھا۔
اسحاق ڈار نے کہا کہ بین الاقوامی قانون کے مطابق فلسطین کو تسلیم کرنے کے یہ اقدامات خطے میں منصفانہ، جامع اور دیرپا امن قائم کرنے کی طرف اہم قدم ہیں، اور پاکستان ان ممالک سے بھی اپیل کرتا ہے جنہوں نے ابھی تک فلسطین کو بطور ریاست تسلیم نہیں کیا کہ وہ بین الاقوامی قانون کی روشنی میں ایسا کریں۔
