اردو ورلڈ کینیڈا ( ویب نیوز ) وزیر خزانہ اسحاق ڈار نے کہا کہ چین نے پاکستان پر واجب الادا 2.4 بلین ڈالر کا قرضہ رول اوور کر دیا

وزیر خزانہ نے کہا کہ چینی بینک نے 2 سال کے لیے قرض رول اوور کیا، پاکستان دونوں سالوں میں صرف سود ادا کرے گا

وزیر خزانہ کے مطابق تمام قرضوں کے معاہدوں کی مدت میں 21 جولائی 2023 سے 30 جون 2025 تک توسیع کر دی گئی ہے۔
اس سے قبل چین نے 18 جولائی کو پاکستان کو 600 ملین ڈالر سے زائد کی امداد دی تھی جس کی تصدیق وزیراعظم شہباز شریف نے کی تھی۔
اسلام آباد میں تقریب سے خطاب کرتے ہوئے وزیراعظم شہباز شریف کا کہنا تھا کہ دوست ممالک کے تعاون سے معاشی اشاریے بہتر ہو رہے ہیں، چین نے پاکستان کو 600 ملین ڈالرز سے زائد رقم دی ہے جس سے پاکستان کے ذخائر میں 600 ملین ڈالر کا اضافہ ہوا۔31 مارچ کو سینیٹ میں اظہار خیال کرتے ہوئے وزیر خزانہ اسحاق ڈار نے کہا کہ پاکستان کا چین کے ساتھ سیف ڈپازٹ اور کمرشل بینکوں کے ذریعے کاروبار ہے، 23 مارچ کو 2 ارب ڈالرز رول اوور ہونے تھے، اس بات کی تصدیق کرتے ہوئے خوشی ہوئی۔