اردو ورلڈ کینیڈا ( ویب نیوز)اسلام آباد ہائی کورٹ نے پاکستان مسلم لیگ (ن) کے 14 رہنماؤں کی 14 روز کے لیے حفاظتی ضمانت منظور کر لی۔
تفصیلات کے مطابق عدالت نے ایس اے پی ایم عطا اللہ تارڑ اور رانا مشہود سمیت مسلم لیگ ن کے رہنماؤں کو 25 ہزار روپے کے ضمانتی مچلکے جمع کرانے کی ہدایت کرتے ہوئے پنجاب پولیس کو گرفتار کرنے سے روک دیا۔
لاہور کی مقامی عدالت نے پنجاب اسمبلی میں ہنگامہ آرائی کیس میں پولیس کی درخواست پر مسلم لیگ (ن) کے رہنماؤں کے ناقابل ضمانت وارنٹ گرفتاری جاری کیے ہیں۔
پولیس حکام نے عدالت سے عطا اللہ تارڑ، بلال فاروق تارڑ، سیف الملوک کھوکھر، رانا مشہود احمد خان، سردار اویس احمد خان لغاری، مرزا جاوید، پیر خضر حیات، راجہ صغیر احمد، عبدالرؤف، پیر اشرف رسول، بلال کو گرفتار کرنے کی اجازت طلب کی۔
پنجاب میں قیادت کی تبدیلی کے بعد نئی حکومت نے گزشتہ صوبائی حکومت کے رہنماؤں کے خلاف بھی کارروائی شروع کرتے ہوئے پی ٹی آئی کے عہدیداروں کے خلاف درج مقدمات کا رخ تبدیل کردیا۔
