اردو ورلڈ کینیڈا( ویب نیوز)اسلام آباد ہائی کورٹ نے پاکستان تحریک انصاف کے وائس چیئرمین اور سابق وزیر خارجہ شاہ محمود قریشی کی رہائی کا حکم دے دیا۔

اسلام آباد ہائی کورٹ میں تحریک انصاف کے وائس چیئرمین شاہ محمود قریشی کی تھری ایم پی او کے تحت گرفتاری کے خلاف درخواست پر سماعت ہوئی۔
جسٹس میاں گل حسن اورنگزیب نے وائس چیئرمین پی ٹی آئی کی رہائی کا حکم دیا جب کہ شاہ محمود قریشی کی تھری ایم پی او کے تحت گرفتاری کو بھی کالعدم قرار دے دیا۔عدالت نے ریمارکس دئیے کہ شاہ محمود قریشی ګکوبیان حلفی دینے کے بعد رہا کریں گے۔
عدالت نے پی ٹی آئی رہنما شاہ محمود قریشی کو بیان حلفی جمع کرانے کی ہدایت کرتے ہوئے کہا کہ علی محمد خان کل دیا گیا حلف نامہ دیکھیں
جس پر وکیل نے جواب دیا کہ شاہ محمود قریشی سے ہدایات لے کر حلف نامہ جمع کرائیں گے۔
واضح رہے کہ پاکستان تحریک انصاف کے چیئرمین عمران خان کی گرفتاری کے بعد پی ٹی آئی رہنما شاہ محمود قریشی کو تھری ایم پی او کے تحت گرفتار کیا گیا تھا۔