اردو ورلڈ کینیڈا ( ویب نیوز)وفاقی دارالحکومت اسلام آباد کی پولیس نے دورہ کرنے والی کرکٹ ٹیم کو سیکیورٹی فراہم کرنے سے معذرت کرلی۔

ذرائع کے مطابق اسلام آباد پولیس نے نیوزی لینڈ کرکٹ ٹیم کو دورہ پاکستان کے موقع پر سیکیورٹی فراہم کرنے سے معذرت کرتے ہوئے کہا ہے کہ پولیس کو مطلوبہ  سکیورٹی وسائل فراہم نہیں کیے گئے، وسائل کی فراہمی اور اخراجات ذمہ داری  پی سی بی کی ہے

وفاقی پولیس کے حکام نے موقف اختیار کرتے ہوئے مزید کہا کہ ہمارے پاس جیمرز بھی نہیں، پولیس بھی مردم شماری، آٹے کی فراہمی اور رمضان ڈیوٹیوں میں مصروف ہے، سیکیورٹی کے حوالے سے اجلاس میں پی سی بی کو آگاہ کر دیا گیا ہے۔

اسلام آباد پولیس کے ترجمان نے کہا ہے کہ وزارت داخلہ سے وسائل کی فراہمی کی درخواست کی ہے، وسائل کی فراہمی پر دورہ کرنے والی کرکٹ ٹیم کے لیے سیکیورٹی کے انتظامات کیے جائیں گے

واضح رہے کہ پاکستان اور نیوزی لینڈ کے درمیان پہلا ٹی ٹوئنٹی 14 اپریل 2015 اور تیسرا میچ 17 اپریل کو لاہور میں کھیلا جائے گا، چوتھا اور پانچواں ٹی ٹوئنٹی 20 اور 24 اپریل کو راولپنڈی میں کھیلا جائے گا۔