اردو ورلڈ کینیڈا ( ویب نیوز )اسلام آباد کا سینٹورس مال ایک بار پھر سیل کر دیا گیا ہے تحریک انصاف کی طرف سے اسے انتقامی کارروائی قرار دیا جارہا ہے
انتظامیہ کا کہنا ہے کہ مال کو اس کے غیر قانونی استعمال کی وجہ سے سیل کر دیا گیا ہے۔
وفاقی دارالحکومت کا سب سے بڑا شاپنگ مال سینٹورس ایک بار پھر سیل کر دیا گیا۔
سینٹورس مال کو چاروں اطراف سے بھاری باڑ لگا کر سیل کر دیا گیا ہے اور اسے پولیس کی بھاری نفری نے گھیر لیا ہے۔
سی ڈی اے بلڈنگ کنٹرول اور اسلام آباد انتظامیہ نے پوری انتظامیہ کے ساتھ گارڈز کو نکال کر رات گئے مال کو سیل کر دیا۔
داخلی راستے پر جاری نوٹس میں کہا گیا ہے کہ مال کو اس کے غیر قانونی استعمال کی وجہ سے سیل کر دیا گیا ہے اور سی ڈی اے کی بلڈنگ کنٹرول اور فائر سیفٹی کی جانب سے بتائے گئے اقدامات پر عمل نہیں کیا گیا بلکہ آگ سے ہونے والے نقصان کو ابھی تک درست نہیں کیا گیا۔