اردوورلڈکینیڈا( ویب نیوز)سابق چیف آف آرمی اسٹاف جنرل (ر) قمر جاوید باجوہ اپنے گھر میں حادثاتی طور پر گرنے کے باعث زخمی ہو گئے ہیں۔ پاک فوج کے شعبۂ تعلقاتِ عامہ (آئی ایس پی آر) نے ان کی صحت سے متعلق باضابطہ بیان جاری کر دیا ہے۔

آئی ایس پی آر کے مطابق جنرل (ر) قمر جاوید باجوہ کو اپنی رہائش گاہ پر گرنے کے نتیجے میں چوٹ آئی، جس کے بعد انہیں طبی امداد کے لیے سی ایم ایچ منتقل کیا گیا۔ بیان میں بتایا گیا ہے کہ وہ اس وقت فوجی اسپتال میں زیرِ علاج ہیں اور ڈاکٹروں کی نگرانی میں ہیں۔

فوج کے ترجمان کے مطابق سابق آرمی چیف کی طبی حالت پر مسلسل نظر رکھی جا رہی ہے اور انہیں تمام ضروری طبی سہولیات فراہم کی جا رہی ہیں۔