سینئر امریکی سکیورٹی حکام کے مطابق گیند اب حماس کے رہنماؤں کے کورٹ میں ہے کہ وہ جنگ بندی پر کب راضی ہوں گے.
عرب نیوز کے مطابق امریکی فوج کی جانب سے غزہ میں انسانی امداد گرانے کے بعد اسرائیل نے فوری طور پر جنگ بندی پر اتفاق کیا.
امریکی میڈیا کے مطابق بائیڈن انتظامیہ کے سینئر اہلکار نے کہا کہ اسرائیل نے غزہ میں 6 ہفتے کی جنگ بندی کی تجویز کو قبول کر لیا ہے. ان 6 ہفتوں کے دوران دیرپا امن قائم کرنے کے لیے کام کیا جائے گا. یرغمالیوں کی رہائی اور محصور ساحلی علاقوں میں امداد کی فراہمی میں سہولت فراہم کی جائے گی.
امریکی میڈیا کا کہنا ہے کہ غزہ جنگ بندی معاہدے کے لیے مذاکرات کا پہلا دور مکمل ہو چکا ہے، حتمی فیصلہ دوسرے مرحلے میں ہو گا.
حماس اس سے قبل مکمل جنگ بندی اور اسرائیلی افواج کے مکمل انخلاء کا مطالبہ کر چکی ہے.