ishtiaq ahmed 
اردوورلڈ کینیڈا( ویب نیوز)جماعت اسلامی کے امیر حافظ نعیم الرحمن اور سابق امیر نے حماس کے رہنما اسماعیل ہانیہ کی شہادت پر گہرے دکھ کا اظہار کرتے ہوئے کہا ہے کہ اسرائیل اور اس کے سرپرستوں کو ظلم کی قیمت چکانی پڑے گی۔
سوشل میڈیا ویب سائٹ (X) پر جاری پیغام میں امیر جماعت اسلامی حافظ نعیم الرحمن نے کہا کہ اسماعیل ہانیہ کی شہادت اللہ کی رضا کے لیے تھی۔
انہوں نے کہا کہ اللہ کا شیر اسماعیل ہا نیہ سرخرو ہوا، پہلے اس نے راہ خدا میں اپنا خاندان قربان کیا، پھر وہ خود جنت کا مسافر بن گیا، شہادت کسی مسلمان کی زندگی کا خاتمہ نہیں بلکہ بھرپور نئی زندگی کا آغاز ہے۔
حافظ نعیم الرحمن نے کہا کہ اسرائیل اور اس کے سرپرستوں کو اس ظلم کی قیمت چکانی پڑے گی اسرائیلی اقدام نے پورے خطے کو ایک نئے امتحان میں ڈال دیا ہے، واضح ہے کہ جنگ اب صرف غزہ تک محدود نہیں رہے گی
جماعت اسلامی کے امیر نے مزید کہا کہ کیا عالم اسلام کے حکمران آنکھیں بند کرکے خاموشی سے اسرائیل کی حمایت کرتے رہیں گے؟ کیا ظالم کے ہاتھ کاٹنے کا وقت نہیں آیا؟
37
