صدر مملکت نے کہا کہ انسانی تاریخ نے کبھی اتنے بڑے پیمانے پر ظلم و بربریت نہیں دیکھی جس کا مظاہرہ اسرائیل کی طرف سے کیا جا رہا ہے اور فلسطینیوں کو پانی، بجلی، خوراک اور ادویات کی فراہمی بھی منقطع کر دی گئی ہے۔ صدر نے کہا کہ یہ افسوسناک ہے کہ عالمی برادری اسرائیل کو فلسطینی عوام کے خلاف نسل کشی کرنے سے روکنے میں ناکام رہی ہے۔

صدر مملکت ڈاکٹر عارف علوی نے کہا کہ فلسطین میں مزید تباہی اور انسانی تباہی سے بچنے کے لیے فوری طور پر ضروری طبی امداد، خوراک اور دیگر سامان بھیجیں۔ پاکستان خطے میں فلسطینی عوام کے لیے ایک آزاد ریاست کے قیام کی حمایت کرتا ہے۔ یہ پائیدار امن اور استحکام کا واحد حل ہے۔