اردو ورلڈ کینیڈا ( ویب نیوز ) ایران پر اسرائیل کے حملے کے بعد امریکہ نے وضاحت کرتےہوئے کہا کہ امریکہ نے واضح کر دیا ہے کہ ایران پر اسرائیلی حملے میں امریکہ کا کوئی کردار نہیں ہے اور اسرائیل نے ایران کے خلاف یکطرفہ کارروائی کی ہے۔
جمعہ کی صبح اسرائیل نے ایران پر فضائی حملے کیے جس میں جوہری اور فوجی اہداف کو نشانہ بنایا گیا۔اسرائیلی وزیر دفاع نے اعلان کیا ہے کہ اسرائیل نے ایران پر پہلے سے حملہ کیا ہے اور ملک میں ہنگامی حالت کا اعلان کر دیا ہے۔ایک اسرائیلی فوجی اہلکار کے مطابق اسرائیل جوہری اور فوجی اہداف کو نشانہ بنا رہا ہے۔. اسرائیل نے ایران میں درجنوں مقامات کو نشانہ بنایا ہے۔ایران پر اسرائیلی حملے کے بعد امریکی وزیر خارجہ نے اپنے اہم بیان میں کہا تھا کہ ایران پر اسرائیلی حملے میں امریکہ کا کوئی کردار نہیں ہے اور اسرائیل نے ایران کے خلاف یکطرفہ کارروائی کی ہے۔امریکی وزیر خارجہ مارکو روبیو نے کہا کہ ہم ایران کے خلاف حملوں میں ملوث نہیں، ہماری ترجیح خطے میں امریکی افواج کا تحفظ ہے۔انہوں نے کہا کہ ایران کو امریکی مفادات یا اہلکاروں کو نشانہ نہیں بنانا چاہیے۔دوسری جانب امریکی ٹی وی پر ریکارڈنگ کرتے ہوئے امریکی صدر ٹرمپ نے کابینہ کا اجلاس بلایا ہے۔
