عالمی خبر رساں ادارے کے مطابق ایک سینئر امریکی اہلکار نےبتایا کہ قطر میں غزہ جنگ بندی کے مذاکرات میں مثبت پیش رفت ہوئی ہے اور اسرائیل جنگ بندی کے لیے تیار ہے۔سینئر امریکی عہدیدارکے مطابق یہ اسی صورت میں ممکن ہو گا جب حماس معاہدے میں اسرائیلی یرغمالیوں کی رہائی سے متعلق شق پر عمل درآمد کی ضمانت دے گی۔

سینئر امریکی اہلکار نے یہ بھی کہا کہ امریکہ جنگ زدہ غزہ میں ہیلی کاپٹروں کے ذریعے انسانی امداد تقسیم کرنا چاہتا ہے۔ابھی تک اسرائیل اور حماس کی جانب سے غزہ جنگ بندی مذاکرات کے حوالے سے کوئی بیان سامنے نہیں آیا ہے۔