امریکی وزیر خارجہ انتھونی بلینکن سے ملاقات میں اسرائیلی وزیر دفاع یوو گیلنٹ نے کہا کہ اسرائیل کو امریکی حمایت حاصل ہے، بحیرہ روم میں امریکی بحری بیڑہ بھی موجود ہے، یہ جنگ طویل ہونے والی ہے اور اس کی قیمت بہت زیادہ ہوگی۔

یہ بھی پڑھیں

 فلسطینی24 گھنٹوں کے اندر شمالی غزہ چھوڑ دیں،اسرائیل کی دھمکی 

تل ابیب میں امریکی وزیر خارجہ انتھونی بلینکن سے ملاقات میں اسرائیلی وزیر دفاع کا کہنا تھا کہ امریکا ہمارا عظیم اتحادی ہے، امریکی اعلیٰ حکام آئے روز اسرائیل آرہے ہیں۔انہوں نے کہا کہ ہم یہ جنگ اسرائیل کے لیے، یہودیوں کے لیے اور اسرائیل اور امریکا کی مشترکہ اقدار کے لیے جیتیں گے۔

مزید پڑھیں

اسرائیل نے غزہ پر حملے بند نہ کئے تو نیا محاذ کھل سکتا ہے ، ایران

اس موقع پر انٹونی بلینکن کا کہنا تھا کہ اسرائیلی حقوق اور اسرائیلی دفاع کی حمایت صرف امریکی عزم ہی نہیں بلکہ امریکی ذمہ داری بھی ہے، اسرائیل کو ہمیشہ امریکا کی حمایت حاصل رہی ہے۔واضح رہے کہ غزہ پر اسرائیل کی جارحیت 7 اکتوبر سے جاری ہے، مسلسل بمباری میں 2800 سے زائد فلسطینی شہید ہوچکے ہیں جن میں ایک ہزار سے زائد بچے اور 400 سے زائد خواتین شامل ہیں۔