137
لبنانی حزب اللہ گروپ نے اپنی سوشل میڈیا ویب سائٹ پر کہا ہے کہ جنوبی لبنان میں اسرائیلی حملوں کے نتیجے میں ایک جنگجو اور دو طبی اہلکار شہید ہو گئے ہیں، محمد حسن تراف کا تعلق بلیدہ قصبے سے تھا، جب کہ پیرا میڈیکل سٹاف تھے۔ شہیدہونے والوں میں محمد اسماعیل اور حسین خلیل بھی شامل ہیں۔
سیکیورٹی ذرائع نے بتایا کہ تینوں افراد اسرائیلی فضائی حملوں میں مارے گئے جس میں جنوبی لبنان میں حزب اللہ سے وابستہ شہری دفاع کے مرکز کو نشانہ بنایا گیا۔دوسری جانب اسرائیلی فوج کا کہنا ہے کہ اس نے حزب اللہ سے تعلق رکھنے والے جنگجوؤں کو سرحد کے قریب بلیدہ قصبے میں ایک فوجی عمارت میں داخل ہوتے دیکھا، نگرانی کے بعد جنگی طیاروں کو الرٹ کیا گیا اور عمارت پر حملہ کیا گیا۔
