اردو ورلڈ کینیڈا ( ویب نیوز ) رمضان المبارک کے بعد عید پر بھی غزہ میں اسرائیلی فوج کے وحشیانہ حملوں کا سلسلہ جاری ہے

جس میں کم از کم 112 افراد شہید ہو گئے۔غزہ کی سول ڈیفنس ایجنسی نے تصدیق کی ہے کہ اسرائیلی فوج نے غزہ کے دار الارقم اسکول پر حملہ کیا جس کے نتیجے میں بچوں اور خواتین سمیت 33 فلسطینی پناہ گزین شہید ہوگئے۔غزہ کی وزارت صحت کے مطابق اسرائیلی حملوں میں اب تک کم از کم 50,523 فلسطینی ہلاک اور 114,000 سے زائد زخمی ہو چکے ہیں۔فلسطینی مزاحمتی تنظیم حماس نے ایک بیان جاری کرتے ہوئے غزہ کے دارالعرقم اسکول پر حملے کی شدید مذمت کی ہے۔دوسری جانب اسرائیل نے غزہ کے ایک بڑے علاقے پر قبضہ کرتے ہوئے رفح اور خان یونس کے علاقوں کو الگ کرکے اسے موراج کوریڈور کا نام دے دیا۔